Die dogters
het in gemengde spanne van sewe deelgeneem aan die pret geleentheid, net vir
die lekker daarvan.
As spanne het hulle
prettig aangetrek (beslis nie soos ‘n netbalspeelsters normaalweg sal aantrek
nie) maar juis dit maak dit vir die speelsters lekker.
Spangees en leierskap word gebou deur die
saamdoen van interessante goed. So bv.
moet die eerste netbalspan (die Chillies) dan ook elke jaar vir die opening van
die verrigtinge ‘n item lewer soos “pom-pom girls”. Dit sorg vir hope pret en die skare geniet
die leerders se kreatiewe saamdoen.
Die Helderkruin ouers is ongelooflik en
hulle werk saam om hierdie dag vir ons moontlik te maak. Hulle maak verrassingspakkies vir elke
speelster. Hierdie jaar het die leerders
onder andere weer elkeen ‘n kolwyntjie en bal ontvang met nog ander
bederfies.
Dit is vir die kinders
wonderlik. Maar dit is nie net die
speelsters wat bederf word nie, die afrigters word ook deur die ouers
bederf.
Elke afrigter het die mooiste
pakkie ontvang en dan was daar ‘n
stalletjie wat spesiaal versier was vir die afrigters. Dit maak dat die afrigters besef hulle is
spesiaal. So kring ‘n belangrike
boodskap uit dat ons as Helderkruin afrigters, speelsters en ouers altyd sal
saamspan om ‘n bobaas, wenspan te wees.
Die ouers wat die verkope waargeneem het, was ook ongelooflik en die kos
was heerlik.
Ons is so dankbaar teenoor borge soos: Sportsmans Warehouse, Elk easylife Kitchens,
Sasol, Corhold, AON ens. vir hul ruim bydra om vir ons kinders die dag spesiaal
te maak. Met sulke besighede kan ons
kinders nog hoop op ‘n mooi toekoms.
Ons is ook dankbaar vir ons
netbalorganiseerders Trudie Breet en Sonja Lombaard wat al die reëlings vir die
dag getref het. Hierdie dames werk baie
hard en sonder hulle toewyding en entoesiasme sou die dag en ons netbal nie op
die goeie pad gewees het soos wat dit tans is nie.
Deur Sonja Lombard
No comments:
Post a Comment